Árni segir sögur af sér og sínum

2003-10-29T11:32:00.000+01:00

Hún á afmæli í dag, hún á afmæli í dag hún á afmæli hún elsku besta María mín, hún á afmæi í dag!!!!!! vvvvvúúúúúúúú!!!! Til Hamingju með daginn afmælisstelpa!!

Ég hlakka til að koma heim á eftir og fá köku hjá Maríu nammmmmm.....

2003-10-15T11:35:00.000+02:00

Jæja þá er maður klæddur og kominn á ról. Er að vísu búin n að skrifa eina færslu í bloggerinn í morgun en hún hvarf á mjög snyrtilegan en undarlegan hátt.... Jæja en hvað um það. Í gær fórum við fjölskyldan til Århus í leit að afmælis gjöf fyrir Maríu og bar sú leit heldur betur árangur. Einnig kíktum við í nýja mollið sem er einmitt stæðsta moll í Dk - samt minni en kringlan held ég allavega. Helvíti flott bygging innangengt frá lestarstöðinni og alles þannig að það er ekkert vesen fyrir okkur að komast þangað.

En mig langaði að deila með ykkur smá dæmi um það hversu frekir danir geta verið. Þannig var að við fjölskyldan vorum að bíða eftir að komast í lyftu í áður nefndu molli, meiningin var að komast á hæðina fyrir ofan. Þarna biðum við í sakleysi okkar ásamt 2 öðrum barnavögnum og 3 hjólastólum í einni röð sem var fyrir 2 lyftur, mjög einfalt. Þá kemur dönsk kjéllíng og riðst framm fyrir alla og plantar sér fyrir framan lyftudyrnar eins og hún eigi lyftuna bara skuldlausa. Við störðum á kjéllínguna stórum augum en sögðum ekkert frekar en hinir sem voru í röðinni. Heldur blótuðum við henni bara í sand og ösku - ég var svo reyður að mig langaðu að sparka í hana! Þar sem að ég er ekki orðinn allveg nógu sleypur í dönskunni þá lagði ég ekki í að fara að þenja mig af ótta við að hún skyldi mig ekki eða eitthvað. En ég er samt búinn að æfa rullu sem ég ætla að fara með næst þegar að þetta gerist, sem er örugglega ekki langt í ef ég þekki baunana rétt.

En ef mér skjátlast ekki er bróðir minn að lenda núna hér í DK. Velkominn.

2003-10-13T09:49:00.000+02:00

Hahahaha.... Þið hafið eflaust haldið að ég væri hættur að blogga en aldeilis ekki! Við erum hér frammi í stofu ég og lillan hún leikur sér á gólfinu en ég drekk morgunkaffið mitt og bíð eftir að klukkan verið 13 svo að ég geti farið með hana í sprautu, mamman er nefnilega lasarus og verður sennilega bara heima á meðan. Annars vona ég að ég sé ekki að verða veikur líka - ég er allur undarlegri en venjulega....

Þetta er ljúft líf að vera svona í skóla (allavega svona inn á milli) það er nefnilega alltaf frí í viku 42 sem einmitt núna, þannig að ég verð bara slakur heima og sinni famílíos. Og að sjálfsögðu mínum ástkæra bróðir sem er einmitt að koma í heimsókn núna í lok vikunnar. Það verður snilld að fá hann í heimsókn, enda ekki búinn að sjá hann í 9 mánuðui! sem er langur tími á minni stuttu æfi. Hann var með óskir um að slaka á á meðan að hann væri hérna og vildi helst gera mikið af því, þannig að ég fór á afslapelse.dk og pantaði alla diskana með Friðriki Karlssyni, jógaspólur með Kim Larsen, reykelsi og grænt te. Svo verður bara slakað á með krafti.

Þangað til næst.
Love

2003-07-31T21:37:00.000+02:00

Hæ hæ hó hó!! Hér er allt orðið rólegt aftur allir gestir farnir og við orðin 3 aftur í húsinu. Ég held að við séum búin að hafa það of gott - allavega er húsbóndinn orðinn eins og melóna í laginu og María er hætt að taka andköf þegar að ég fer úr bolnum, hún tekur bara hlátursköst í staðin....það er alveg inni í myndinni að fara að hreyfa sig aðeins hraðar þannig að ég passi í jakkafötin um jólin!!

Útileguhelgin ógurlega er senn að renna í garð en við MKG og AMÁ ætlum að halda kyrru fyrir í bænum enda er ekkert um að vera á Samsø þessa helgina frekar en allar hinar, þess í stað ætlum við að rölta í bæinn og skoða hvað allir þessi sölubásar á markaðnum hafa upp á bjóða. Hér er nefnilega búið að auglýsa svakalegan markað niður eftir allir göngugötunni og allt mögulegt til sölu þar.

Svo er skólinn að sjálfsögðu byrjaður og ég kominn á fullt í honum, lenti í grúbbu með 2 hressum dönum sem eru báðir á mínum aldri og af sama kyni. Spennandi að sjá svo hvernig okkur gengur svo að skapa það verkefni sem við erum búnir að fá úthlutað. En í ár eigum við að teikna (inter)net verkstæði þar sem 15 menn vinna. Þetta hús á að vera úr tré-einingum og þegar að við höfum lokið við að teikna húsið fer það í útboð og við fáum samsvarndi verk til að bjóða í. Svo eigum við að hanna framleiðslulínu á einingunum og stofna fyrirtæki í kring um allt þetta batterý. Sem sagt spennandi önn framundan....

2003-07-13T22:38:00.000+02:00

Þá er önnur vinnuvika að hefjast og helgin búin að vera róleg og tíðinda lítil. Við fórum í dag og gengum niður í bæ og settumst þar á bekk og slökuðum okkur svoldið en ákváðum fljótt að það væri betra að fara heim og setjast í sólina heima í íllgresinu og mosanum í garðinum heima, og það var líka alveg rétt hjá okkur því það var miklu betra veður heima.....allavega var logn og 28 stig þar.....og er spáð þannig út vikuna hér - þannig að maður er ekki beint að öfundast mikið út í þá sem eru að sprengja sig til Spánar!!! Ágætt að geta bara verið heima og sólað sig og drukkið ódýran bjór úti í garði hjá sér og hugsað vel um fjölskylduna.

Annars er það svo merkilegt hvað dagarnir þjóta fram úr manni núna, vikan varla byrjuð og þá er hún komin á enda, ég vona bara að ég fari ekki að missa af miklu núna þega allt virðist þjóta áfram. Þetta eru svo sannarlega bestu dagar í lífi okkar Maríu - svo til að gera þetta enn betra þá koma ömmurnar og afarnir í heimsókn í vikunni og ætla að vera hjá okkur í smá tíma það verður sko gaman gaman!!! Spurningin er bara hvort að maður fari ekki bara og kaupi grill og grilli pulsur ofan í allt partyið þegar að þau koma....

2003-07-09T21:16:00.000+02:00

Seinustu dagar eru búnir að vera alveg hreint ótrúlega skemmtilegir...Við fórum í dag með Andreu Marín í sína fyrstu bæjarferð og versluðum við handa henni ofur mjúkt flísteppi og rosalega girnilega sæng....enda er hún líka búin að sofa síðan að við lögðum hana í sængina. En það hefur hún líka gert í bæði skiftin sem að við höfum farið meða hana í vagninum þá hefur hún bara sofið og ekki rumskað fyrr en heim er komið...Loksins er einhver komin í fjölskylduna sem sefur meira en ég!!!!!

Það er svoldið gaman að finna hvernig maður breytist þegar að maður eignast barn...td þá þykir manni stórkoslegt þegar að sú stutta tekur sig til og kúkar á mömmu sína, gólfið og skiptiborðið!!! Það er bara gaman!! Ekki er ég viss um að mér hafi alltaf þótt sú hugmynd stórkostleg að láta einhvern kúka á mig.....en svona er lífið dásamlegt!!

Ég er að pæla í að byrja að vinna aftur á föstudaginn og leifa prinsessunum mínum að vera einum heima, en það er svosem ekkert langur tími því hér vinna smiðir bara til 13:00 á flöskudögum...Svo í næstu viku koma ömmurnar og afarnir til okkar og erum við heldur betur orðin spennt að hitta þau öll - enda ekki séð sum síðan um jólin.... buhuhuhuhu....en þau eru að koma jjjiiiiiibbbbííííii jeij

Ég ætla að setja inn nýjar myndir í kvöld...

2003-07-07T00:37:00.000+02:00

Hæ hæ. É g er bara rétta að láta vita af því að við erum búin að nefna litlu skvísuna Andrea Marín. Hún dafnar allveg rosalega vel og er dugleg að borða og sefur þess á milli - allger draumur! Hún er búin að fá fyrsta baðið sitt en var ekkert allveg nógu sátt við það en leið vel á eftir....

Og takk enn og aftur allir sem hafa skrifað í gestabókina!!!!!

Prinsessa kemur í heiminn

2003-07-03T23:13:00.000+02:00

Jæja þá eru loks fréttir af okkur Maríu!!! Við eignuðumst yndislega dóttir kl 11:33, svoldið stóra 4110gr og 54 cm...sem var ekki nema kílói frá því sem að ljósmóðirin "okkar" reiknaði með!!!! Enda kom þetta öllum frekar mikið á óvart hvað hún var stór því ekki erum við María Það!! Konu og barni heilsast vel en þurfa að vera á fæðingardeildinni vegna brjóstargjafarvesens og þess vegna er ég bara sendur heim:-( frekar súrt. En ég var að enda við að setja inn myndir af krúttinu...það koma fleiri á morgun af sætustu stelpu í heiminum! Og líka fréttir af okkur!

Takk allir sem hafa skrifað í gestabókina, þið eruð æði!!!!!

Rólegheit

2003-07-02T18:30:00.000+02:00

Eitthverntíma var mér sagt að engar fréttir væru góðar fréttir, það á svo sannarlega við núna því lífið hefur svo sannarlega verið rólegt hjá okkur upp á síðkastið. Fórum að vísu út að borða á hamborgaraknæpu í gær svona aðeins til að lifta okkur upp, og var það kærkomin breyting á hversdagslífinu. En um helgina þá verður Elton John að spila í garðinum hjá okkur (allt að því) og við getum fullvissað ykkur um að það mæta fleiri þangað en á tónleikana hans á Íslandi hérna um árið, það var nú ljóta klúðrið!!!

2003-06-29T16:49:00.000+02:00

Það verður sennilega ekki mikið legið í garðinum með jarðaber í dag því í morgun ringdi eins og hellt væri úr fötu - en bara í svona 30 mínútur og svo var komið gott veður aftur. Ég horfði á formúluna í dag og þegar að hún var búin þá var María búin að baka þessa fínustu marengsköku með rjóma og jarðaberjum, það var fínasta sárabót því ekki fór formúlan eins og ég vildi að hún hefði farið...en Montoya er góður!!! En nú er ég að fara að ráðast í það mikla verk að taka til í geymslunni okkar...

Sumar sumar...

2003-06-28T22:36:00.000+02:00

Það eru svona dagar sem gera lífið svo skemmtilegt - sól, logn og gríðarlegur hiti...Við fórum í garðinn með teppi, (til að liggja á) bók og ískalda drykki okkur til hressingar í dag, þarna lágum við og nutum þess að vera til, alveg til fullnustu. Enda erum við að verða svo brún að það hálfa væri hellingur. Nema ég á löppunum það er ekki að ganga neitt að ná lit á þær frekar en fyrri daginn, ég verð ekki einu sinni bleikur á þeim eins og systkyni mín verða gjarnan á sínum þegar það þau eru búin að sóla sig...

Morgundeginum erum við svo að spá í að verja á svipaðan máta og hvíla okkur vel fyrir átök á komandi vikum...það styttist með hverjum deginum og við erum orðin spennt en erum samt alveg sallaróleg yfir þessu öllu - það kemur þegar að það á að koma...

Myndir

2003-06-28T11:28:00.000+02:00

Ég setti inn nokkrar nýjar myndir í Júní albúmið og bjó til nýtt albúm sem heytir Horsens - Þar er hægt að sjá hvernig bærinn okkar kemur okkur fyrir sjónir....njótið...

2003-06-27T18:25:00.000+02:00

Nú er föstudagur og Árni er að baka pizzu.Við ætlum að hafa extra góða pizzu í kvöld með exrta miklum osti(frískum mosarella og piparosti) náttla ananas,sveppum og tómat og svo ætlum við að prófa að setja á pizzuna þistilhjörtu eða ætiþisla,veit ekki alveg hver er munurinn en hér heitir það nú samt artiskok...mmmm...

Við fórum í bæinn áðan og Árni keypti sér nýjan síma...loksins verður hægt að hringja í hann og hann verður EKKI batteríslaus...eða að hann segir "bíddu,ég heyri ekkert í þér". Svo það verður munur. Hann var meira að segja búinn að gefa mér símanr. hjá vinnufélaga sínum til öryggis ef e-ð kæmi upp hjá mér því hann treysti ekki sínum síma...en núna er búið að laga þetta vandamál hans og hann er líka mjög glaður...

En af okkur er það helst að frétta að það er svo heitt úti að við erum bara búin að flýgja inn allavega get ég ekki verið í þessum hita í langan tíma...mér finnst nú samt hálf asnalegt að sitja hérna inni og horfa útum gluggan og sjá þetta yndislega veður, en ég held að þetta sé nú ekki síðasti sólardagurinn í heiminum svo við lifum þetta nú af í dag... Árni fór útí garð og það eru 33 gráður í skugga...

2003-06-27T12:00:00.000+02:00

ég er að reyna að laga síðuna...vona að það takist...

2003-06-26T16:32:00.000+02:00

Hér er bara blíðan og allt sem henni fylgir, ég er samt ekki búinn að versla grill og grilla eins og ég talaði töluvert um í vetur en vonandi verður bætt fljótlega úr því - allir sannir húsbændur verða að eiga að minnsta kosti eitt grill...ég er nú búin að vera að kíkja aðeins í bæklingana sem koma hér inn um lúguna í bunkum og mér sýnist að það sé best að kaupa box grill í bilka og halda á því heim...eins og við gerum reyndar alltaf þegar að við erum búinn að versla eitthvað annars erum við nú að komast upp á lagið með að taka strætó heim enda ekki annað hægt með konu sem er komin 39 vikur á leið...

Vinnan gengur bara fínt og mér þykja dagarnir vera frekar stuttir hér, maður er rétt kominn út úr húsi og mættur í vinnuna þá verður maður að hætta og fara heim að slaka á...þetta er nátturlega bara hrein snilld!

2003-06-25T08:28:00.000+02:00

Jæja er vöknuð fyrir allar aldir eins og fyrri daginn og hef ekkert betra að gera en að fara í tölvuna...Það var nú hálf skrítinn dagur á þessu heimili í gær.Hann byrjaði á því að ég vaknaði við að barnavagninn kom og var settur saman hérna á stofugólfinu og ég var svooo ánægð.En ég gat nú ekki lengi setið og dásðst að honum því ég var að verða e-ð lasinn og lagði mig.Það sem eftir var dagsins lá ég í rúminu með þvílíka magakveisu og Árni var svo góður og stjanaði við mig fór og keypti frostpinna og sódavatn og sá til þess að baðherbegið væri þrifið eftir að allur maturinn minn hafði farið aftur sömu leið til baka og hann kom...Ég held ég eigi besta kærasta í öllum heiminum hann er alltaf svo góður við mig...En svo endaði dagurinn vel eftir að ég hafði jafnað mig og við gátum setið róleg og horft á 24 en það versta var við það að þetta var síðasti þátturinn í seríunni og við vitum ekki hvenær við getum byrjað að fylgjast með Jack Bauer og félögum aftur...:(

2003-06-23T22:09:00.000+02:00

Ný vika og Árni náttla byrjaður að vinna aftur eftir helgarfrí.Seinnipartinn í dag fórum við aðeins í bæinn og fórum í barnabúðina og gengum frá barnavagnamálum.Ég var svo spennt að fá vagninn að við báðum bara um að fá hann strax á morgun, hann verður sendur til okkar svo ég á örugglega eftir að vakna eldsnemma í fyrramálið af spenningi...Að vísu er til hjátrú um að vagnin megi ekki koma á undan barninu inná heimilið en þar sem við eigum ekki bíl og ekki með fjölskylduna hjá okkur er ómögulegt að láta Árna þeysast útum allan bæ í barnabúðirnar þegar ég fer á fæðingardeildina...svo það er eins gott að vera bara undirbúin...Hér í danaveldi eru ekki bara tilboð þessa dagana heldur líka útsölur og við kíktum á eina í dag því mér langaði svo að kaupa mér straujárn en ég fann ekkert straujárn...Ég verð nú að drífa mig í að finna almennilegt straujárn áður en kríli kemur í heiminn,því hvernig mamma er það sem á ekki straujárn?

2003-06-21T20:19:00.000+02:00

jæja þá erum við búin að setja upp annað myndasvæði sem er þægilegra í notkun og verðum við dugleg að setja inn myndir á það í framtíðinni. En þið verðið að gefa okkur sjens með myndirnar svona á meðan að við erum að læra almenilega á vélina...;-)

Í dag komu Ingvar og Vigdís í heimsókn með stelpurnar sínar, og að sjálfsögðu skellti María í eina gulrótarköku svo að þau færu nú ekki svöng frá okkur....

Nú er ég með eina spurningu til ykkar: Ef maður ryksugar kónguló getur hún þá labbað upp úr ryksugunni þegar að maður slekkur á henni?? Þetta er mál sem við María erum búin að vera velta fyrir okkur, nefnilega alltaf þar sem við geymum ryksuguna þar koma kongulóavefir.....Ekki mjög spennandi en svona er þetta hér í DK...

Erfinginn er bara rólegur í mallanum og er ekkert að láta bóla á sér en ég held að það sé nú bara í lagi þar sem hann á ekkert að koma fyrr en 3. júl...En að sjálfsögðu erum við á fullu að undirbúa komu hans enda er það ansi margt sem þarf að gera og það tekur allt sinn tíma...

2003-06-21T15:26:00.000+02:00

Við vorum að fá þessa líka fínu Digital myndavél þannig að nú er fljótt að bætast í albúmið...tjékk it át...

2003-06-18T17:30:00.000+02:00

Þá erum við komin með netið heim og símann líka...húrra húrra húrra! Þannig að við getum nördast í tölvunni heima núna og þurfum ekkert að hanga úti í skóla lengur og sitja í slökum stólum í enn verri tölvum óóó nei, heima er bezt! Annars er kallinn bara byrjaður að vinna á fullu hjá Horsens boligudlejning og er bara að fíla það vel. Svona fyrst um sinn er ég bara settur í niður í kjallara smíða geymslur fyrir danina...en þaðan liggja allar leiðir upp á við er mér sagt.

Í kvöld erum við að fara út að borða með vinafólki okkar á Ítalskan stað sem á að vera fanta góður, allavega höfum við gert 3 heiðarlegar tilraunir til þess að fara á hann og alltaf hefur verið uppselt, en núna á að vera klárt borð fyrir okkur og ekki eftir neinu að bíða. Þannig það er best að skella sér út að boðra....

TIL HAMINGJU MEÐ AFMÆLIÐ KRINSTINN INGI!!!

2003-06-14T20:59:00.000+02:00

Ég var að enda við að setja inn myndir frá páskum og júróvision, svo er ein enn bumbumynd af Maríu...Góða skemtun!

2003-06-13T21:57:00.000+02:00

Þá er kallinn kominn í sumarfrí eftir nokkuð anna-sama önn..Ég fór í prófið í gær og stóð mig bara vel þótt að ég segi sjáfur frá. Prófið fór þannig fram að við hengdum verkefnið okkar upp og kynntum það svo í 20min hver, fyrir framan 6 kennara og 2 "sensora" en þeir eru bara eitthverjir kallar utna úr bæ. Út úr þessu náði ég tölunni 9 og er ég viss um að það er að hluta til af því að ég var með opna buxnaklauf í prófinu....frekar halló.....

Annars er bara allt gott að frétta, við fórum til ljósmóður í gær og hún sagði að krílið væri búið að skorða sig fast þannig að það er tilbúið að koma í heiminn. Annað en mamma þess og pabbi,þau fengu bara skammir frá ljósmóðurinni fyrir að vera ekki búin að kaupa allt sem þarf fyrir krílið þannig að á morgun er meiningin að fara í bæjarferð og kaupa sængurföt og eitthvað annað smálegt sem vantar.

2003-06-08T22:12:00.000+02:00

Það skiptist á með skin og skúrum hér,það eru engar smá rigningar, þrumur og eldingar þannig að það dvín í öllu,en við erum búin að venjast þessu og erum ekki lengur hrædd...

Búið að vera fínasta helgi hjá okkur.Á föstudaginn fór ég í hárgreiðslu alla leið í mosann (sem er Íslendingahverfið hér) og ég var svo óheppin að missa af strætó og nennti ekki að bíða eftir næsta þannig að ég fékk mér bara göngutúr heim og var orðin svolítið þreytt þegar ég loksins kom heim.En viti menn,ég á svo myndarlegan mann að hann var búin að taka til og ryksuga og ekki nóg með það þá var hann líka búin að baka fyrir mig pitsu...geri aðrir betur...Í gær var okkur svo boðið í mat til Ernis og Valdísar og fengum rosa góðan mat og pönnukökur í eftirrétt og horfðum með öðru auga á Danmörk-Noregur...Í dag var svo smá tiltektaræði í okkur þegar Árni var búin að læra og fluttum til hillur og hengdum upp myndir...

Aðeins 3 dagar í próf hjá Árna...

2003-06-05T20:37:00.000+02:00

Af okkur er allt gott að frétta. Í dag er Grundlovsdag sem er 17.júní dana. En það er bara engin skemmtun í bænum.Skemmtanahöldin voru haldin í gærkvöldi,þá voru allar búðirnar í bænum með opið til 23 og náttúrulega tilboð úti á götu og það voru líka alls kyns uppákomur útum allan bæ,danssýningar og hljómsveitir o.m.fl. Það var mikið líf og fjör og höfum við aldrei áður séð svona marga í bænum hér,það var gjörsamlega troðið.Það var ekkert smá gott veður sól og svona um 22-25 gráður alveg fram til um kl 23 en þá þegar við ákváðum að setjast niður á kaffihús þá skall á þessi þvílíka rigning og þrumur og eldingar en það var allt í lagi því kaffihúsin eru viðbúin þessum rigningum og skelltu bara upp risastórum sól/regnhlífum...

Við erum búin að panta okkur heimasíma og netið en það kemur ekki í gagnið fyrr en eftir 2 vikur eða nánar tiltekið 18.júní...

2003-06-01T22:45:00.000+02:00

Það er svo gott veður hér að við bara fáum okkur ekki inn til þess að skrifa fréttir af okkur.Og ég hugsa að við verðum ekki dugleg að skrifa næstu daga ef það verður svona líka mikil blíða áfram. Og svo er Árni er líka að leggja lokahönd á verkefnið sitt og er búin að lofa mér að vera ekkert að vesenast á netinu á meðan...
En við höfum það annars bara fínt,erum búin að labba útum allan bæ um helgina og heyrðum meira að segja í Kim Larsen spila "live" í gærkvöldi...Það var neflilega tónlistarfestival hér í bænum um helgina og margt um manninn...En við ákváðum að fara ekki á festivalið t.d útaf skólaverkefninu hjá Árna og fórum því í skotastúku (eins og Árni segir) í staðinn...við urðum bara aðeins að kíkja...

2003-05-28T20:28:00.000+02:00

Það er brostið á með blíðu hér í Danmörku, í dag voru litlar 28 gráður í garðinum hjá okkur og María lá í sólbaði þar í part úr deginum. En á meða að hún borðar ís og lætur fara vel um sig þá fæ ég að hanga inni í fúlli kennslustofu og svitna eins og ég fái borgað fyrir það....En þetta stendur allt til bóta því að það eru ekki nema tvær vikur eftir af skólanum og þá er ég kominn í sumar-vinnu-frí. Annars gengur skólinn bara vel við erum á fullu að leggja lokahönd á vekefnið og klára nokkra lausa enda.

Á morgun er Kr.Himmelfart dag(eða eitthvað svoleiðis) og ætla ég að kíkja aðeins í skólan fram yfir hádegi en eftir það er ég að spá bara að liggja á bakinu úti í garði og fá mér einn eða tvo gula og njóta dagsins með Maríu og Kúlubúanum okkar ;o)

2003-05-25T22:31:00.000+02:00

Þá er ein helgin í viðbót liðin. Á föstudaginn fórum við til Aarhus í tilbreytingarferð þar var gaman að koma eins og venjulega, en þetta er eitthver sú vinalegasta borg sem ég hef komið til. Þar eyddum við deginum í búðarráp og annað skemmtilegt, en við versluðum föt á mig þar sem ég var orðinn hálf fatalaus....Svo í gær var nátturlega aðalmálið júróvisjón og allt sem því fylgir. Við hittumst nokkur hjá Disvari&co og snæddum saman kvöldverð og skemtum okkur saman yfir keppnini og fórum svo á sveitaball hjá Íslendingafélaginu, það var rosa fjör og vorum við ekki kominn heim fyrr en seint og síðar meir. Bíó ferðin sem átti að vera í dag var svo blásin af vegna góðs veðurs og svoleiðis. Í staðin vorum við bara heima í dag og kom Ása með bakkelsi til okkar og ég skrapp í tennis með Mark bekkjarbróðir mínum....

2003-05-22T22:16:00.000+02:00

Hæ hæ!!! Það er nú bara allt gott að frétta af okkur og meira til því við höfum verið í smá baráttu við lín sem er nú lokið...jibbíí...þannig að nú erum við hætt að blóta lín í sand og ösku,allavega í bili...En annars gengur lífið sinn vanagang á Emil Bojsens gade.Það var mömmuklúbbur í gær hjá mér þannig að Árni var heppinn þegar hann kom heim úr skólanum og fékk fullt af kökum en í staðinn fékk hann heldur engan kvöldmat því húsmóðirin var ekki alveg að standa sig í stykkinu.Ég fékk mér göngutúr í bæinn í dag og hvað haldið þið?Það eru jóladagar í bænum núna um helgina jólasveinn og jólalest og jólatilboð og í einni búðinni sem ég fór í var boðið uppá piparkökur,haldiði að það sé í lagi með dani??? Á morgun stefnum við á að fara til Århus svona aðeins til að breyta um umhverfi og hlakkar okkur mikið til því það er orðið ansi langt síðan við höfum farið eitthvað út fyrir Horsens.Ég ætla líka að draga Árna í bíó kannski um helgina því á morgun er verið að frumsýna hér chicago og verður hún sýnd kl.18:50 í ekki meira né minna en 14 daga svo það er eins gott að gleyma sér ekki...Svonáttlamáekkigleymajúróvísion...erum orðin rosa spennt...

2003-05-19T18:34:00.000+02:00

Heldur betur búin að vera ljúf helgi hjá okkur Maríu. Byrjaði nátturlega með fríi á föstudaginn en þrátt fyrir það var bara leigið heima og slakað á fram að kvöldmat en þá tók húsbóndinn sig til og bakaði pizzu, sem vekur alltaf lukku hjá heimilisfólkinu. Svo á laugardaginn fórum við og kíktum á sirkusinn, hann leit bara nokkuð vel út að utan en inn fórum við ekki en hver veit hvað við gerum á næsta ári þegar að hann kemur til baka.Um kvöldið buðum við svo Ásu í mat til okkar og var hún hjá Maríu fram á kvöld en ég brá mér aðeins út í bæ.... Sunnudagurinn var svoldið þéttur því að við byrjuðum á að fara í kaffi til Ingvars og Vigdísar og stelpnanna þeirra og horfðum á F1 og ræddum málefni líðandi stundar. En í gærkvöldi var okkur boðið í mat til Einars og Evu, þar fengum við dýrindis íslenskar lambakódilettur með öllu tilheyrandi. Eftir matinn fengum við okkur svo göngutúr heim í gegnum skóginn við norðurströndina og ég verð nú bara að segja það að sú leið kom mér töluvert á óvart, ótrúlega róleg og falleg leið rétt við kantinn á bænum, nokkuð viss um að við löbbum hana aftur!!

Annars er lítið á dagskrá næstu daga, öllum farið að hlakka til að horfa á júróvisjónum næstu helgi. Svoldið fúlt að danir séu ekki með því það vantar alla spennu og kynningar fyrir keppnina, en svona er það nú bara.....

2003-05-15T22:04:00.000+02:00

Jæja þá er það búið og gekk bara ekki sem verst en þetta var bara æfingarpróf til að sjá stadusinn á okkur og kom okkar grúbba bara ágætlega út... En eins og ég minntist á hér um daginn er ég kominn með vinnu í sumar hjá því merkilega fyrirtæki Horsens Boligudlejning og er ég mjög spenntur að byrja þar, þetta verður víst svona "út um allt" vinna sem sagt einn stór rúntur....

Á morgun ætla ég að sofa út því það er frí hér í DK og af því að ég var í prófi í dag, en það er víst venja að þegar að ég er búinn í prófi þá er frí hér....Þannig að við ætlum bara að slaka á og njóta þess að vera hér í sumrinu og bregða okkur jafnvel bara í göngutúr. En á morgun verður eitthver sirkus að flækjast hér í bænum og hver veit nema að við kíkjum bara á hann og reynum að sjá fílinn því við misstum af honum seinast.

2003-05-14T20:56:00.000+02:00

hæ hó !!! Bara svona rétt til að láta vita af okkur.

Það er allavega ekki mikið að frétta af okkur þessa dagana.Árni er bara alltaf í skólanum að læra og ég rétt sé hann þegar hann kemur heim til að borða og svo til að sofa.En prófið er á morgunn svo ég vona að hann láti sjá sig heima um helgina.Kannski bara baka ég fyrir hann eða tek uppá einhverju sniðugu ráði til að lokka hann til að vera heima...:-)...nei nei ég bara segi svona,ég held að honum langi líka til að taka sér smá frí því svo fer hann að undirbúa sig fyrir vorprófið sem er 12.júní.

2003-05-12T13:11:00.000+02:00

Hvað haldið þið..ég er kominn með vinnu í sumar og byrja þann 16. Júní kl 07:00...glæsilegt...

2003-05-11T14:46:00.000+02:00

Við ætlum að lýsa yfir frati á Íslendingafélagið hér í Horsens.Við sem vorum svo glöð að geta horft á íslenskt snjónvarp og full tilhlökkunar fengum bara ekkert sjónvarp að sjá.Í gærkvöldi sendu þeir út auglýsingu um að þeir næðu ekki útsendingunni og aflýstu bara skemmtuninni.Við urðum náttúruleg þvílíkt fúl því það er ekki á hverjum degi sem við ákveðum að fara á svona gleðskap þessa dagana.Jæja við ákváðum þá að fara bara uppí skóla til Árna og fylgjast með á netinu,komum við á bensínstöðinni og keyptum okkur nammi því við ætluðum að hafa það svo gott.En viti menn allt kom fyrir ekki,netið í skólanum lá niðri...Þannig að engar fréttir fengum við og gátum ekki einu sinni lýst yfir vonbrigðum okkar hér á blogginu...En við björguðum málunum og fengum fjölskylduna á Ölduslóð til að senda okkur sms með fréttum en þá vorum við orðin svo lúin að við vorum bara komin í háttinn...en takk fyrir að vera svona góð við okkur...

En í þessum skrifuðu orðum fékk ég sms og fékk líka þessar yndislegu frétti,Heiðdís vinkona mín fæddi strák í morgun!!! TIL HAMINGJU HEIÐDÍS OG GÍSLI!!!
Nú er ég svo ánægð að ég hef ekki einbeitnigu lengur,verð að kveðja...bless í bili...mk

2003-05-10T14:56:00.000+02:00

Kjördagurinn runninn upp og við bíðum spennt eftir kosnigavökunni í kvöld.Við erum neflilega svo heppin að ríkissjónvarpið ætlar að senda öll herlegheitin út á gervihnetti svo við getum líka fylgst með.Að vísu er búin að vera tilrauna útsending frá rúv í nokkra daga en við erum ekki svo heppin að ná henni heima...Þannig að við ætlum að skella okkur á kosningavöku Íslendingafélagsins hér í kvöld...
En annars er bara allt gott að frétta af okkur.Allt kom fínt út hjá ljósmóðurinni í vikunni.Og fer ég ekki aftur fyrr en 12.júní og er þá gengin 37 vikur...váá hvað tíminn líður...Árni er að fara í próf á fimmtudaginn svo helgin fer að mestu í lærdóm hjá honum.Ég er að hugsa um að baka fyrir hann gulrótarköku í dag og vona að hann gefi sér tíma í að koma heim í kaffi... bless í bili mk

2003-05-07T22:21:00.000+02:00

hhhmmmmm......Það fer að styttast í prófið og maður er ekkert allt of stressaður ennþá en það kemur ég er sko alveg viss um það! En í dag fór ég að kjósa og var kallinn kominn með nýja seðla. Það var nú svoldið gaman að koma þangað því þetta var á 11. hæð og útsýnið var hreint út sagt ótrúlegt! Enda engin furða þar sem þetta er efsta hæð hæðstu byggingar í Horsens...

Morgundagurinn verður svo spennandi því þá förum við til ljósmóður og vonandi fáum við að vita eitthvað sem við vissum ekki áður, en það er kannski ekki svoleiðis hér kannski fær maður bara ekkert að vita. Svo ætlum við að fara í kvikly og kaupa einn leikstjórastól(á tilboði 99 kr) því það er von á 6 kjéllíngum í heimsókn eftir 2 vikur....þá ætla ég bara að vera í skólanum enda er það kannski bara best þegar allar þessar bumbukonur eru saman komnar og byrja að tala um verk í brjóstum og eitthverju svoleiðis sem ég er ekki með...en ég ætla að sjá til þess að það verði bakað nóg þannig að ég geti úðað í mig afgöngunum af hnallþórum þegar að ég kem heim!

2003-05-05T21:56:00.000+02:00

Það er komin pressa á okkur að setja inn myndir...hhhmmm góðir hálsar við gerum eins og við getum, þar sem það hefur ekki verið fjárfest í digital-myndavél og við notum bara "gömlu" aðferðina framkallaogsetjaádiskumleið verður smá bið í viðbót í myndir...Þangað til verðið þið bara að ímynda ykkur hverju við höfum verið að taka myndir af og hversu stór kúlan á Maríu er, en ég get sagt ykkur ef það hjálpar eitthvað að kúlan er orðin nokkuð stór!

Helgin var tíðindalítil allt að því tíðindalaus að því undanskyldu að við fórum í göngutúr um miðbæ Horsens sem var fullur af lífi og gerist það ekki oft, nema þá helst þegar eitthvað er um að vera.

Svo í dag var meiningin að fara að kjósa í fyrsta skipti á minni löngu ævi en það ætlar bara ekki að ganga!!! Loks þegar ég kem og það er ekki búiða að loka kjörstað þá eru kjörseðlarnir uppseldir og koma ekki aftur fyrr en á fimmtudaginn! Spurning um að senda fleiri seðla í næstu kosningum.....haaa hvernig væri það....

2003-05-01T21:20:00.000+02:00

Djöfull hlakka ég til þegar að við verðum komin með netið heim í sumar, þá er hægt að vera slakur heima á neti og janvel ná sér í eitt og eitt lag af netinu...annars er allveg fínt að vera hérna bara verst hvað skólinn er latur við að versla nýjar tölvur...Nú erum við María farin á fullt í barna-stússinu og erum loksins farin að versla fyrir ungan okkar, við fórum nefnilega um daginn og versluðum skiptiborð, rosalegaflottoggott og létum í leiðinni sölumanninn aðstoða okkur við að finna rétta vagninn sem hentar okkur best. Að sjálfsögðu er það fallegasti vagninn í búðinni og vorum við alveg sátt við það því það dugir ekkert minna en Rolls Roys undir manneskju sem kemur undan svona góðu fólki;o)

Vikan er annars búin að vera tíðinda lítil fyrir utan það kannski að ég fór í Tennis í dag með Adda og Mark, og ég var bara svei mér þá lélegri en ég þorði að vona, var eiginlega bara mjög slakur en næst verð ég betri...það var kannski ekkert að marka það því ég er með svo miklar harðsperrur eftir að hafa borið skiptiborðið heim úr búðinni í gær...segjum það bara....

Svo er eitt að lokum, það er svoldið merkilegt hvað danir gera á 1.maí...Þeir fara í búðir sem eru opnar fram á kvöld og versla og versla og að sjálfsögðu er allt á tilboði!!! Meira að segja gat einn sem er með mér í bekk ekki setið kyrr í skólanum í morgun því honum hlakkaði svo til að fara í Silvan(byko) kl 11:00 og fá gefins pulsur og kók, og fyrir ykkur sem eruð kannski að velta því fyrir ykkur hvort að ég sé í eitthverjum sérskóla fyrir "sérstakt" fólk þá er þessi drengur bara tíbískur dani...og svona haga þeir sér þegar eitthvað er gratis...

2003-04-28T19:16:00.000+02:00

Ég var aðeins að hræra í síðunni, greinilegt að vinkonur Maríu eru mun tæknivæddari en vinir mínir...meira að segja eru ekki allir vinir mínir með email-adressu(enda eru þeir líka "bara" smiðir)...En nú eru komnar tvær skvísur í viðbót í linkasafnið þær Rannveig og Guðrún, velkomnar í hópinn stelpur!

Nú erum við María að fara á framboðsfund hjá henni Guðrúnu Ögmunds og verður fróðlegt að sjá og heyra (se&hør) hvað hún hefur til málanna að leggja, en þar verður hin alkunna íslendingasjoppa og segja mér fróðir menn að ef þar fáist Djúpur, þá skuli ég versla einn slíkan því að ku vera það allra besta í nammiheiminum í dag...

2003-04-26T15:20:00.000+02:00

Nú rignir sem er bara hið besta mál, því þá er von að gróðurin taki við sér eftir alla sólina sem er búin að vera undanfarið. Það má segja að ég hafi farið í frekar skrítið hverfi með skólanum mínum í gær, økolokiskt hverfi sem er rétt fyrir utan Århus. Það er svona svipað og ég ímynda mér að sé á Grænlandi, og Danirnir á Íslandi - allavega var ég spurður að því hvor að Íslandi liti svona út...Ég gæti allveg trúað að eitthver úr minni fjölkyldu væri til í að búa í svona hverfi, nefni nú engin nöfn en þið sem þekkið til eruð kannski að kveikja;-) Eitt er víst ég væri ekki til í að búa þarna því sum húsin eru byggð úr rusli og önnur úr efnum sem eru allment ekki þekkt sem byggingarefni...Svo var gædinn okkar mjög økolokiskur í útliti , hann var meira að segja í økolokiskum jakka og inniskóm.

Spurning er bara hvort ekki sé sniðugt núna að fara heim og fá sér kaffitíma og skella sér svo í húsverkin, maður er svo duglegur að hjálpa Maríu því hún er farinn að finna töluvert fyrir því að hún sé ólétt og er ekkert að gera fimleikaæfingar á gólfinu heima á hverjum degi....þessí stað sprikla ég bara þeimun meira, en ég fæ samt ekki að koma nálægt eldamennskunni, og stefnir allt í það að ég sé að verða svona kall sem borðar bara í pulsuvagninum ef konan er ekki heima til að elda fyrir hann.....

2003-04-21T20:12:00.000+02:00

Jæja þá eru páskarni yfirstaðnir að mestu og skólinn aftur á morgun....Sem er nú bar sérdeilis fínt og svoleiðis. Við erum búin að hafa það X-tra gott um páskana, borða mikið, sofa mikið og sólbaða okkur mikið...í dag allavega. Það er nú farið að styttast í prófið hjá mér en kennararnir eru ekki búnir að vera svo elskulegir að láta okkur vita hvenær það er, það væri nú vel þegið að fá að vita það því maður er svona að pæla í að fara að sækja um vinnu fyrir sumarið...Spurningin er svo hvar maður á að sækja um, það verður nú fínt að komast á hamarinn aftur í nokkrar vikur og þurfa að þvo af sér ryk og drullu að lokinni vinnu...

2003-04-20T17:51:00.000+02:00

Halló allir saman!!!
Ég ætla rétt að skrifa nokkrar línur og óska ykkur öllum gleðilegra páska.
Dagurinn í dag er búin að vera mjög fínn,hann byrjaði náttúrulega með heitu smábrauði eins og á að vera á páskunum en í staðinn fyrir heitt súkkulaði fengum við okkur stórt glas af latte,við erum neflilega svo helvíti góð í að gera gott latte og við höldum að það sé betra hjá okkur en á bestu kaffihúsunum,enda dugir ekkert minna til en ekta ítalkst espresso kaffi því að við erum svo miklir sælkerar...og við höfum komist að því að Lilly er betra en lavazza...en hvað um það...svo í eftirrétt í morgunmatnum opnuðum við páskaeggin okkar...mmmmmm...og erum langt komin með þau.Árni horfði á formúluna og á meðan undirbjó ég hátíðarmatinn eins og sönn húsmóðir og er í þann mund að fara að leggja lokahönd á matargerðina því klukkan er að nálgast kvöldmat.Ætli við liggjum svo ekki bara afvelta í kvöld og förum upp til Badda að horfa á Dancer in the dark því hún er sýnd á stöð sem við sjáum ekki vel því við erum bara með inniloftnet...

2003-04-19T20:41:00.000+02:00

Hó hó hó....Gærdagurinn var frekar kaldur en samt létum við okkur hafa það í göngutúrinn um Bygholm park og hittum þar Ingvar, Silju Rós og foreldara hans, svo röltum við heim eftir tveggja tíma spásseringu, sem þykir helvíti gott nú til dags. Þegar að við vorum rétt komin inn úr dyrunum hringir Hjörtur og bauð okkur í vöfflukaffi, sem við þáðum að sjálfsögðu með þökkum! Klara, konan hans var nefnilega svo myndó að baka þessar líka fínu vöfflur og sátum við hjá þeim fram eftir degi og hlustuðum m.a. á Ragnhildi dóttir hans segja okkur furðulegar sögur af jólasveinunum sem komu til hennar um seinustu jól...Kvöldinu var svo bara eytt í slökun og þess háttar. Í dag erum við svo ekkert búin að gera nema að sötra öl (ég er aðalega búinn að sjá um það) og bíða eftir að María geti gert "Hard Rock salat" í kvöldmatinn, hún hefur minnst reglulega á það í dag að það sé "Hard Rock salat" í kvöldmatinn...En núna er ferðinni heitið heim að horfa á heimildarmynd um dönsku söngkonuna Julie.

2003-04-17T18:01:00.000+02:00

Kominn í páskafrí!!! Við erum búin að sitja úti í garði í dag og sóla okkur og lesa Okay, sem er nýjasta slúðurblað dana. Og að sjálfsögðu er litli kallinn búinn að fá fagur rauðan lit á andlitið og María líka :) Á morgun er meiningin að fara í svoldið góðan göngutúr, jafnvel að ganga alla leið í Bygholm park, en við sjáum bara til hversu hress við verðum á morgun...

2003-04-13T17:23:00.000+02:00

Það er heldur betur að rætast úr veðrinu hér, eftir viku sem bauð okkur upp á snjóstorm að hætti dana og slyddu er komið 15 stig og sól í allan dag. Af því tilefni skelltum við María okkur heljarinnar göngutúr og gengum við niður á bryggju þar sem skútukeppni var að ljúka: Þar voru 20 til 30 bátar allir á kerrum og voru sumir eigendur þeirra að bóna þá!! Virkilega glæsilegir bátar. Þaðan lá svo ferðin í Danska ríkissirkusinn, en þeir vildu ekki kaupa mig, þannig að við skoðuðum bara úlfvaldana, mörgæsirnar og selina í staðinn...Þetta er allveg fullvaxinn sirkus með fílum og dvergum en við náðum nú ekki að sjá fílinn þannig að við fórum bara niður í bæ og fengum okkur ís í staðinn. Svo á morgun er ég að fara í skólann en það er nú samt komið páskafrí en grúbban ætlar samt að hittast í vikunni og læra svoldið þannig að það verði kannski aðeins léttara eftir páska....

2003-04-11T22:26:00.000+02:00

Enn einn föstudagurinn og bara að koma helgi...jibbíí...Fórum til ljósmóður í gær,allt gott að frétta þaðan...Annars höfum við það bara mjög gott og hlökkum til páskanna,fengum neblega svo skemmtilega sendingu með póstinum í gær,2 nóa siríus páskaegg og fullt af öðru nammi...namm...namm...og takk takk mamma og pabbi og Þóra og Kristinn...Svo vorum við svo heppin að fá lánaðan hjá Ásu risa stóran bunka af "séð og heyrt"... svo nú við getum legið í slúðrinu og gætt okkur á nammi á meðan...ekki slæmt það...

2003-04-09T18:21:00.000+02:00

Nú er það búið!!! Það var snjóstormur í dag, og ég sem er búinn að vera að ljúga að ykkur að það sé komið sumar hér í Danaveldi...En svo er víst ekki því miður. Hvað svo sem veðrið gerir förum við María og kúlubúinn til ljósmóður á morgun og eru allir voðalega spenntir yfir því. Kúlubúinn er orðinn svo sterkur að María heldur stundum að hann ætli sér að koma út um naflann svona líka hressilega fyrir tíman. Annars er málið þessa dagana að liggja uppi í rúmi og horfa á sjónvarpið ef eitthvað er í því, snillingnum á heimlinu finnst hann nefnilega svo sniðugur að taka sjónvarpið og fara með það inn í herbergi, gallin við það er bara að María er ekki hrifin því að ég sé að borða popp uppi í rúmi....ekki spyrja mig afhverju...

2003-04-06T20:58:00.000+02:00

Bara rólegt í dag, sofið til hádegis aðeins kíkt í skólan og farið svo til Disvars&co í smá kaffi -heimsókn. Þar gerðist ég svo brattur að halda á litlu Júlíu Dís og tók hún mér lika svona rosalega vel steinsvaf og rumskaði ekki fyrr en hún varð svöng. Ég held að ég komi bara til með að taka mig vel út í sumar með krílið okkar í faginu allavega fann ég að þetta átti vel við mig.

K-19 The widowmaker varð fyri valinu í gær á leigunni en eins og alþjóð veit þá leikur Ingvar E Sigurðsson aðalhlutverkið (allavega miðað við fréttaflutninginn á meðan á tökum stóð) ég verð nú bara að segja það að hann stendur sig með sóma í myndinni og er meira að segja aðalhetjan í myndinni í nokkrar mínútur...3 af 4 því hann er í henni..

2003-04-05T17:18:00.000+02:00

Þá er það langur laugardagur í dag...Málið er það að við urðum að flyja út úr húsinu vegna þess að húsbódinn tók sig til og skúraði gólfið, sem þýðir blautt gólf næstu 2 tímana...Við byrjuðum daginn á að fá okkur rjúkandi Latté og ristað brauð síðan var haldið í Bilka, nú vil ég lýsa yfir frati á Bilka!!! Þannig er nefnilega mál með vexti að undanfarna 5 til 6 laugardaga hef ég farið í Bilka að versla eitthvað smotterí sem ekki fæst í netto og alltaf verið svo lánsamur að detta inn á rauðvínskynningu, sem er nú ekki slæmt þegar um svona belgi eins og mig er að ræða....En í dag þá var ekki rauðvínskynning, bara alls eingin!! Ég er að hugsa um að fara í fýlu og mótmæla í eina viku með því að fara ekkert í Bilka og ekki hugsa meira um þessi vonbrygði...En allavega verður kjúlli í kvöld og er það nú ástæða til að fagna þar sem svoleiðis munaður er ekki á hverjum degi á mínu heimili. Góða helgi

2003-04-02T20:39:00.000+02:00

Það var nú heldur bertur nóg að gerast hjá Maríu í dag. Hún skelli sér í Ásinn og hélt á fund kvenna sem allar eiga það sameiginlegt að ver óléttar eða með pínu-kríli...Þetta er svona mömmuhópur og ætla þær að hittast aftur eftir 3 vikur, spennandi það!!! Annars er það að mér að frétta að ég er að vinna að verkefni í skólanum sem heitir: "Virksomhed og teknologi", mjög áhugavert. Þar eigum við að reikna út tilboð í geymslur og hjólaskýli og skrifa svo skýslu um allt heila partyið og breyta fyrirtækinu í stór-kompaní, halda reisugill og fara svo í páskafrí...

2003-04-01T20:12:00.000+02:00

Til hamingju mamma og pabbi með brúðkaupsamælið og til hamingju ég, í dag eru ákkúrat 24 ár síðan að ég var skírður!!!!! Annars vorum við María að ljúka við seinustu fiskibollumáltíðina í bili, ora-bollurnar sem við versluðum í nettó eru nefnilega komnar ofan í maga og ég er ekki frá því að þetta hafi verið bestu bollur sem ég hef smakkað!! Svona þegar öllu er á botninn hvolft þá er þetta sennilega Íslenskasti dagurinn hér lengi þ.a.s matarlega og veðurlega, allavega fauk ég út í búð þegar að ég fór að kaupa kartöflurnar og barðist við rokið á leiðinni heim og var orðinn svo hrakinn þegar heim var komið að ég þurfti að skifta um buxur. En það hefur nú aldrei depið neinn að fara í hreinar buxur, ekki að þær hafi verið óhreinar heldur bara blautar...

2003-03-31T18:32:00.000+02:00

Hér eru allir orðnir kakóbrúnir þar að segja danirnir, við María erum bara föl eins og sannir Íslendingar...Annars er þetta nú svoldið mekilegt hvað Danir taka snökkt lit, eða eru þeir kannski bara nokkuð duglegir við ljósabekkina? Það kæmi manni svo sem ekkert á óvart því hér eru ótrúlega margar ljósastofur til dæmis ef ég labba úr skólanum og niður í bæ (ca 300m) fer ég fram hjá 3 stofum, svo er allveg hellingur út um allan miðbæ. En við María, við tökum ekki þátt í svoleiðis bulli og sólum okkur bara í garðinum heima sem er allveg rosalega fínn þegar er búið verður að taka hann í gegn..

Helgin leið bara að mestu rólega fyrir utan smá skjálfta í heitavatnsröri á aðfaranótt sunnudags, þvílík læti! Við héldum um tíma að húsið væri að hrynja eða við komin til Írak!! En við sváfum bara lengur í staðin og vorum alveg keng-rugluð þegar við vöknuðum klukkan 12 en þá var klukkan eitt...Ruglaðir þessir brunku-danir að vera að breyta klukkunni svona á miðju ári. Þessar breytingar voru svoldið að vefjast fyrir húsbóndanum á hemilinu og þurfti hann að spyrja oft hvað klukkan væri, ekki minkaði flækjan þegar að hann fattaði (ekki) að klukkan í tölvunni hafði breytt sér sjálf, þá var honum öllum lokið...

En við erum bjartsýn í byrjun nýrrar viku því margt er að gerast í viku 14. Afmæli margskonar t.d. Brúðkaups, skírnar og 29 ára... meira um það seinna. Gúdd bæ!

2003-03-29T18:14:00.000+01:00

Þá er þrifnaðinum lokið í bili...en það er allt búið að vera á hliðinni í dag vegna tilltektar heima á Emil Bojsens Gade...Annars er allveg merkilegt hvað er hægt að hafa lélega sjónvarpsdaskrá á föstudegi, í gær var heil mynd um sókgarbjörn og eitthverja kalla sem voru að reyna að veiða hann (horfði ekki allveg nóg, til að geta lýst henni meira) svo þar á eftir var eitthver álíka skemtilegur Hemma Gunn þáttur. Ég sá mig bara knúinn til að fara að sofa upp úr 10 til að forðast imba-kassan, enda þreyttur eftir allt labbið í Århus. Þangað var haldið snemma í gær morgun því að var frí í skólanum og tókum við bara þennan hefðbunda rúnt. Þar að segja allur miðbærinn labbaður tvisvar sinnum og farið svo á Subway og labbað svo enn meira og farið svo heim í sólina. Það var nefnilega x-tra hlýtt í gær öruklega 20 gráður...

En við María viljum þakka öllum skrifin í gestabókina, þið eruð öll æði!!!

2003-03-26T19:03:00.000+01:00

Í gær fórum við María á fæðingardeildina að skoða litlu prinsessuna sem Disvar&co voru að eignast, ótrúlega sæt !! Þetta var einmitt sama fæðingardeild og við munum koma til með að leggjast inn á. Okkur leist bara svona glimmrandi vel á hana, uppi á 6. hæð og með útsýni yfir Horsens fjörð og allur aðbúnaður bara glæsilegur og svoleiðis...En þegar að maður sér svona lítið kríli kemst maður ekki hjá því að hugsa hvort það sé ekki brothætt...verður maður ekki að fara alveg rosalega varlega með barnavagninn, ekkert rally niður gönugötuna held ég. Svo þegar að við komum heim til okkar þá vorum við orðin svo spennt að við gátum ekki sest niður heldur drifum okkur í Netto og keyptum nanbrauð og kókópöffs, drifum okkur svo heim og fengum okkur pasta og horfðum svo á 24 tíma og friends. Allavega ég, María var enn með hugann uppi á fæðingardeild sem er allveg skiljanlegt þegar að maður sér svona mikla rúsínu!!!!

2003-03-24T19:42:00.000+01:00

Loksins eru komnar fleiri myndir á myndasíðuna okkar...Endilega skoðið og skoðið og skoðið þær, til þess eru þær jú....

2003-03-23T21:12:00.000+01:00

jæja...loksins...það er ansi langt síðan ég skrifaði síðast. Mér finnst Árni svo góður í þessu allavega betri penni en ég og hefur alltaf eitthvað sniðugt að segja.
En að öðru...Við erum búin að eiga ljómandi góða og skemmtilega helgi. Árni fór á skólaball á föstudaginn en ég slappaði bara af heima því mér finnst það svo notalegt.Svo vakti ég Árna greyið og dró hann með mér út snemma á laugardagsmorgunn...hahahahah...Kallinn var svolítið þreyttur og sagði mér að hann væri með smá hausverk...æi greyið...En við kíktum aðeins á mannlífið í bænum og fórum í matarbúð því við áttum von á matargestum...Áttum svo gott kvöld heima með Erni og Valdísi,ætluðum að vísu að spila "party og co" en eins og venjulega, þá var talað svo mikið að spilið komst ekki á dagskránna að þessu sinni...kannski næst...Dagurinn í dag var svo yndislegur lágum bara í sólinni og náðum okkur í smá brúnku...veitir ekki af eftir veturinn...en nú er komið kvöld og kuldi og best að fara bara að drífa sig í háttinn...

2003-03-22T15:03:00.000+01:00

Nú erum við sko ekki allveg sátt við bilka!!! Þeir sviku okkur og við fáum ekki myndirnar fyrr en á þriðjudagin, en það verður bara að hafa það! Og ég er ekki lengur rokkari, allavega er ég ekkert rokkaralegur, eins og ég er búinn að vera að byggja upp þessa hörðu ímynd. Ég var búinn að greiða mér svo fínt í gær áður en að ég fór í skólann, svo þegar að var að kveðja Maríu spurði hún mig: "Ætlarðu að fara svona í skólann?! Þú lýtur út eins og rokkari!!!" Ég varð nú svoldið sár en sennilega hefur það ekki komið nógu skýrt framm að ég er fokkin ívúl rokkari.....ekki eitthver gúmmíkall.....sem les nýtt líf og borðar plómur á meðan hann er í freyðibaði.. ónei ekki ég....

Glæsilegt í morgun, jógúrtið sem er ekki með bitum og fjarðarpósturinn..er það ekki toppurinn á tilverunni??? Gamli og Gamla sendu okkur nefnilega bunkann af Fjarðarpóstum og nýja blaðið sem heitir VF, og er prentað á öðruvísi pappír en Fjarðarpósturinn. Svo var líka eitt Séð og heyrt með og vorum við María öllu fróðari um allt fræga fólið heima á íslandi t.d vissuð þið það að Fjölnir Þorgeirsson er farinn að kenna box á Hvolfsvelli???

2003-03-20T18:05:00.000+01:00

Fimtudagur.....Á morgun er föstudagur......ég er hálf andlaus þessa dagana. Í kvöld er stefnan sett á sófan og afslöppun eftir gríðar erfiðan dag í skólanum, eða kannski að maður kíki aðeins á verkefnið í kvöld og veði þá með allt á hreinu fyrir bygginga fundinn á morgun...þar sem ég mun fara á kostum eins og á öllum fundunum hjá okkur í vetur. En hvernig er það með ykkur? Hvað eru þið að gera þessa dagana....ég er allavega að fara að setja inn myndir á síðuna á morgun...

2003-03-16T17:27:00.000+01:00

Halló halló, vegna fjölda áskoranna hef ég ákveðið að skrifa nokkrar línur...Síðan seinast hefur ekki margt gerst sem ætti að hafa varanleg áhrif á líf okkar, nema þá helst að við erum búin að finna jógúrt sem er ekki með neinum bitum og fæst í búðinni okkar!!! Í gær brugðum við okkur út í garð til að njóta sólarinnar og 15 stiga hitans, það er ekki slæmt að sitja úti í garði og fá sér einn gulan í logni og sól...og það um miðjan Mars...jömmí.. Við erum búin að fá dagsetningu á fyrstu gestina okkar í sumar en það er hin nýfarna tengdafjölsylda mín og ætla þau að snúa aftur til Hrossanes þann 16. Júlí og mamma og pabbi 2 dögum seinna, spennandi tími það...Svo hef ég vegna þrýstings frá mágkonu minni sett inn link á síðu hennar, en það fóru svo fáir inn á hana að sennilega er þetta hennar eina von um að fá eitthvern þar inn hehehe;-) En við hjónaleysin brutum eftir langa bið 1000 heimsókna múrinn og þökkum öllum sem hafa nennt að lesa þetta bull í okkur fyrir innlitin og vonum að þið haldið áfram að koma þrátt fyrir að skrifað sé aðeins of sjaldan. Myndir eru líka væntanlegar hvað á hverju þar sem þar eru allveg að fara í framköllun og koma þá myndir af okkur og nýju íbúðinni...Kveðja úr danska sumrinu Árni&María

2003-03-10T20:40:00.000+01:00

Vorið er komið og grundirnar gróa....og ég man ekki meira úr þessu lagi....lalalaa....Í morgun vaknaði ég við fuglasöng og það var sólskin og fínerí, já vorið kom á föstudaginn og ekki orð um það meir!!! Við María vorum heima að elda veislumat eins og við gerum gjarnan á mánudögum en í þetta skipti urðu "Islandske fiskeboller" í Indverskri karry sósu fyrir valinu og þær voru delisíus...Annars er María búin að fá eðal-verkefni við erum nefnilega i fyrsta sinn komin með þvottavél, enda komin tími til eftir að hafa ekki þvegið fötin síðan um jólin og sum ekki síðan í apríl....ég hefði kannski betur slept þessum...Allavega er eitthver stór miskilningur í kring um þessa þvottavél því við eigum að fá tvær klst fyrir 10kr, en við fáum bara eina klst og þetta er kallinn sem á íbúðina ekki að fatta ekki nema að tvær klst sé bara ein í Bosníu þaðan sem hann kemur, og hálftími er kannski bara korter...þá er nú stutt til jóla, páskarnir búnir og allveg að koma 3. júlí;-) En María reddar þessu bara á meðan að ég sit á mínum auma rassi í skólanum og held áfram að belgja mig út af visku og vísindum, þetta er jú vísindi er það ekki?

2003-03-07T22:48:00.000+01:00

Nú er María komin og tengdó farin....Það eru búnir að vera sæludagar eftir að María kom frá Svíþjóð við erum búin að elda góðan mat og drekka góðan bjór og rauðvín. Það var hreint út sagt æðislegt að fá þau í heimsókn því svona skemmtilegt fólk fyllir húsið af góðum straumum. En ég komst að því hversu "mikill" bókmennta maður ég er á meðan að þau voru í heimsókn því Kristinn, sem er 9 ára las allt bókasafnið okkar á þessum 2 dögum sem hann var hér, og ekki halda að ég sé svona slappur bókasafnari...eða eitthvað....Allavega á að hreinsa alla íbúðina hátt og látt á morgun og var versluð sérstök sápa í tilenfni af því, þessi sápa er þeim eiginleikum gædd að henni er hellt í vatn... og þá er hún tilbúin til notkunar, sniðug. Og hana ætla ég að nota á morgun til þess að gera gólfið ball-hæft á ný!
Svo var vorið að koma eftir langa bið, það snjóaði nefnilega í gær.....en svo var vorið aftur komið þegar að ég vaknaði í morgun og álpaðist í blessaðan skólan minn. Sem er svo ágætur að hér eru það kennarnir sem eru "veikir" á föstudögum ásamt nemendum, en þeir síðarnefndu láta sig þó hafa það í skólan þó að þeir angi eins og sprittunna, meira en sumir kennar hér gera! Og hana nú!!!!

2003-03-01T17:40:00.000+01:00

Jæja þá er maður bara einn heima og svona...og pabbi líka því mamma er hér í köben. Mamma sagði að ég væri grasekkjumaður hvað sem það þýðir... En ég frétti af Maríu nú í dag þar sem hún var á handboltaleik hjá sínu heimaliði Gróttu/KR, gaman að sjá sitt lið spila erlendis. Ég áhvað að fara bara í skólan í dag og læra svoldið en það er ekki allveg að gerast, fannst meira spennandi að búa til myndasíðu en við eigum bara svo fáar myndir á stafrænu formi þannig að þið verðið bara að vera þolinmóð, en það er komin inn ein mynd af kúlubúanum;-) Jæja ég ætla að hala áfram að læra ekki....

2003-02-26T19:58:00.000+01:00

Halló halló!!!
Ég er að fara í fyrramálið til Kaupmannahafnar og ætla ég að hitta fjölskylduna mína þar og keyra með þeim til Gautaborgar og vera þar með þeim í nokkra daga...vona bara að Árni verði duglegur að skrifa í bloggerinn svo ég geti fylgst með honum eins og þið...bless í bili MK

2003-02-25T19:57:00.000+01:00

ZZzzzz....við vorum að fá nýtt rúm....zzzzz......Við fórum í gær í Ikea í Århus og versluðum eitt stykki rúm. Að sjálfsögðu fórum við til félaga okkar á bílaleigunni Bilha, og leigðum bíl til að komast uppeftir. Þessi bílaleiga er svona "von of a kænd" allavega er þetta eina bilaleigan sem ég veit um í mið evrópu sem hefur en Toyotu corollu ´85 módel til leigu...Annars er fínt að leigja bila þarna, það eru tyrkir sem eiga leiguna og kíkja þeir aldrei á km mælinn, bensínmælin eða annað spyrja mann bara hvor að það sé í lagi með bílinn og þakka svo fyrir viðskiptin, en þá er maður búin með allt bensínið þeirra og 200 km komnir á mælin í viðbót(eins og það sé eitthvað á hina 300þúsund)!!
En sensagt við erum búin að fá nýtt rúm og sofum við eins og steinar í því og ég svaf í einum rikk frá miðnætti til morguns og þurfti ekkert á klósettið!!! María svaf líka eins og steinn, en hún á orðið í mesta basli með að finna sér stellingu til að sofa í því hún er eiginlega hætt að getað sofið á maganum eins og hún hefur gert frá því að elstu menn muna, en hún verður að finna sér nýja því hún verður að hvílast vel. Annars var það ágætt í morgun María hrökk upp og gat ekki sofnað allveg strax þannig að hún brá sér fram í eldhús og helti upp á kaffi fyrir litla kallinn, svo þegar minns kom úr sturtu var bara nýlagað á borðinu! Geri aðrar konur betur!

Svo svona rétt að lokum vil ég þakka fyrir öll skrifin í gestabókina, fólk tekur mig greinilega allvarlega en þá, en það verða þó eitthverjir að bíða meða að sparka ímig fram eftir árinu en á meðan lemur erfinginn bara mig og mömmu sína af miklum krafti dag og nótt! ;-)

2003-02-20T21:56:00.000+01:00

Heldur er farið að slakna á kraftinum í blogginu hjá okkur skötuhjúum, hvers vegna...það má guð vita! Ég er líka orðinn óléttur eins og María,ég er samt ekki kominn það langt að það sé farið að sjá mikið á mér en maginn fer stækandi. Aukaverkanirnar eru þó allar komnar , pissa á nóttuni, svimi og aukin matarlyst sem betur fer hef ég sloppið við morgunógleðina! Svo var ég að tala við mömmu áðan og ætla þau að koma í heimsókn þegar þau eru orðin amma og afi þ.e.a.s. um miðjan Júlí, em mamma er að fara til köben núna um mánaðarmótin en ætlar að taka eitthverja vistvæna skóla fram yfir heimsókn til okkar!! En sá dóni, en þetta er nú allt skiljanlegt þar sem ég var nú bara verslaður á tilboðstorginu í fjarðarkaup og getur varla verið mikið varið í mig fyrst maður var bara settur á útsölu og það bara rétt fyrir jólin!!!! Samt það á að vera mikið prógram hjá kellu og hún bara kemst ekki til okkar og við ekki til hennar.....snökt......snökt......Það verður þá bara meira stuð næst þegar hún kemur og þá kemur líka Maggi rafvirki með henni. Spurningin er bara hvernig við eigum að raða niður heimsóknunum í sumar, ef það verður mikil ásókn þá eigum við tjald undir rúminu, kannski að Haukur bróðir geti hjálpað okkur að tjalda því hann er nefnilega svo góður í því eins og hann sýndi með snilldartöktum á Snæfellsnesi sumarið ´96.
Myndi þetta tjald sóma sér vel í garðinum hjá okkur, en það eina sem vantar í hann bæ ðe vei er Íslenski fáninn á flaggstöngina og óskast hann hérmeð fyrir lítið eða í skiptum fyrir Judgement night diskinn hennar Auðar!!!

2003-02-16T16:01:00.000+01:00

Í dag er búið að vera snilldar veður, sól,logn og heiðskýrt og í tilefni af því fórum við í heljarinnar göngutúr í dag. Við gengum á heimsenda og til baka en það er langt í burtu. En í dag er svoldið merkilegur dagur í morgun þegar við vorum að vakna strauk ég mallann á Maríu eins og ég geri oft í von um að finna eitthvert merki um líf, en vitið menn kúlubúinn hefur ekki verið ánægður með pabba sinn að vera að vekja sig svona snemma, svo að hann sparkaði í mig í fyrsta skipti við mikinn fögnuð viðstaddra!! Svo í gær vorum við að hjálpa Badda og Þórdísi að flytja á hæðina fyrir ofan okkur, það er mjög gaman að vera búinn að fá þau í húsið það fyllist allt af lífi nú, er ekki eins og að búa í draugahúsi...En úr því að Baddi&co voru að flytja þá eru grill-stólarnir komnir út á pall og að sjálfsögðu grillið, nú er bara að bíða eftir að það hlýni úti um svona 15 gráður þá er hægt að fara að grilla...

2003-02-13T18:26:00.000+01:00

Nú erum við búin að fara aftur til ljósmóður, en þar sem "okkar" var í fríi í dag fengum við að tala við aðra. Hún spurði okkur spjörunum úr og hlustaði á hjartsláttin í kúlubúanum og leyfði okkur að heyra, það hljómaði dásamlega og allt í gúddí með það eins og allt annað!! Svo fengum við annan tíma og eigum við ekki að koma fyr en eftir 8 vikur! (svoldið langur tími fyrir óþolinmóða) En þá er einmitt eitt ár upp á dag síðan að ég flutti hingað til DK!

Annars held ég að ég sé að gera alla vitlausa í kring um mig því það eina sem ég tala um þessa dagana er hve langt sé í vorið, ég held nefnilega að það fari bara að vora upp úr mánaðarmótum! Það væri voðalega gott að geta farið að rölta um í stuttermabol og sandölum, koma við á corfitz og fá sér einn gulan, smella sér í Tennis (hmm kanski að maður verði duglegri í sumar en í fyrra) og sóla sig á costa del Horsens beach, sem er einmitt lengsta og fjölsóttasta strönd í allri evrópu!!! En sennilega verður vorið ekki komið eftir tvær þrjár vikur eins og ég er að vona...En þá fáum við gesti sem okkur er farið að hlakka til að sjá, fjölskylduna hennar Maríu eins og hún leggur sig! Þá verður nú stuð á heimilinu og aldrei að vita hvað gerist þá, meira um það seinna. Bless í bili.

2003-02-12T13:58:00.000+01:00

Jæja, þá erum við nú heldur betur búin að ferðast um nágrenni okkar á síðustu dögum. Á mánudagin smurðum við okkur nesti og lögðum af stað til Vejle upp úr hádegi, þar röltum við um bæinn og skoðuðum í búðir og fólkið sem þar var á ferðinni. Ég held bara svei mér þá að Vejle sé jafn fallegur bær og allir segja að hann sé. Við komum heim um kvöldmatarleytið og tókum á móti Badda og Þórdísi um kvöldið. Svo þegar við vöknuðum í gær ákváðum við að fara og taka okkur bíl á leigu og kíkja til Århus, bara svona í ganni eins og María segir: Við fórum í Ikea og röltum þar nokkra hringi (það er alltaf gaman í ikea). Svo fórm við og keyrðum um borgina og enduðum á að kíkja á "Den gamle by" en fórum ekki inn í bæinn því það var svo kalt og allveg að koma myrkur. Þá var leiðinni haldið heim en þegar við komum til Horsens þá tókum við nokkrar auka beygjur og kíktum til Juelsminde, sem er smábær rétt fyrir utan Horsens. Og úr því að við vorum með bílaleigubíl þá urðum við að koma við á McDonald´s og fá okkur ís á heimleiðinni...
Svo í dag er ekkert búið að gerast nema það að við ætlum að fara heim og taka á móti Badda hann er nefnilega að fara að sauma gardínur fyrir gluggana hjá sér....

2003-02-09T22:31:00.000+01:00

Hó hó bó!!!! Fallegur dagur í dag, glampandi sól og logn, en samt svoldið kalt það er samt í lagi því við erum alltaf svo vel klædd. Í dag var antik markaður í Torsted hallen sem við hjónaleysin kíktum á. Þar var margt sem greip augað og líka margt sem ekki greip augað, helmingurinn af fjörinu hjá mér var að fara í strætóinn (maður er orðinn eins og 6 ára krakki!!) og sjá hluta af bænum sem ég hafði ekki séð áður, ég hafði nefnilega aldrei tekið leið 4 áður... En hvað um það, María heldur áfram að fara hamförum í húsi elds og vaknaði ég við angan af muffins og svo fékk ég afgangin af lasagne gærkvöldsinns í hádeginu, ekki dónalegt það! Vikan framundan er svo hin rólegasta því litli kallinn er í fríi alla vikuna og er þa´bara meiningin að vera slakur heima með kjellu, en það er allveg inni í myndinni að kíkja einn dag til nágranabæjar okkar annað hvort Vejle eða þá Århus ef vel skyldi viðra!! Þannig að ef einhverjum langar til að kíkja á okkur þá verðum við bara á Emil Bojsens gade 4 st (banka fast erum ekki komin með bjöllu): Svo er ekki úr vegi fyrst að þið eruð komin alla leið hingað á síðuna að kvitta í gestabók.....

2003-02-08T14:45:00.000+01:00

Góðan dag, í fréttum er þetta helst: Árni og María voru heima í gær því þau kunna svo vel við sig þar. Elduð var pizza sem hefur ekki verið gert svo lengi sem elstu menn muna. Eftir pizzu át var horft á E.T. og viltu vinna miljón? En aðeins eru tvær sjónvarpsstöðvar í boði heima hjá þeim, en þykja þær með afbrygðum góðr þar sem friends og 24 tímar eru sýndir á þeim. Í dag laugardag er príðis veður þrátt fyrir þónokkra þoku og kulda, mælt er með því að vera heima og klára að taka upp úr kössum, þegar komið er heim af grænmetismarkaðnum þar sem kílóið af jarðeplum er á 9,95kr. Fréttir las Árni Magnússon.

2003-02-04T22:14:00.000+01:00

Loksinns er tími til að skrifa féttir!! Við erum flutt í nýju íbúðina og laus for good úr hinni (sem betur fer). Við fluttum á laugardaginn með hjálp vaskra drengja og meyja og viljum við þakka þeim kærlega fyrir hjálpina. Svo fengum við gesti þegar fór að róast í flutningadeildinni og voru meira að segja sumir svo séðir og góðir að koma með heimabakað með sér til að gefa okkur og öðrum sem ráku inn nefið...Sunnudagurinn kom með miklum látum því við byrjuðum strax á því að taka upp úr kössunum og raða og græja allt dótð, svo komu Baddi og Þórdís í heimsókn og aftur kom Þórdís með heimabakað, snúða í þetta sinn en þeim leist svo vel á íbúðina og nágranana að þau ákváðu að flytja bara á hæðina fyrir ofan okkur!!! Þið getið ímyndað ykkur hvað verður gert í sumar, grill og tuborg=dejligt...Svo er það aðalmálið, í gær þá fórum við í sónar og var það svoldið sérstök upplifun, en alveg meiri háttar gaman, raunar svo að við táruðumst bæði tvö, að fá að sjá erfingjan í fyrsta sinn. Við fengum að sjá hjata, heila og 10 fingur ásamt öllum aðal líffærum...og fengum við myndir til eignar en svo voru líka teknar módel-myndir (engin furða miðað við hvað foreldrarnir eru myndó;-) Semsagt allt var í himnalagi og var okkur seinkað um 5 daga þannig að "nýja" dagsetningin er 3. júli, en það skiptir ekki máli því það kemur þegar það er tilbúið......Svo í næstu viku er "frí" í skólanum hjá mér þannig að maður verðu bara slakur heima og hugsar um óléttu konuna sína og klárar nýja hreiðrið.

2003-01-31T23:50:00.000+01:00

Í dag erum við bún að vera að rúnta um allan bæ á sendiferðabíl, sem við tókum á leigu. Svo fengum við íbúðina afenta nú undir kvöld og er hún hin glæsilegasta, við fengum Badda með okkur í lið og skrúfuðum saman hillur og skápinn góða. Svo á morgun ætlar heil hersveit manna að koma og hjálpa okkur að flytja en það eru svo margir búnir að vera svo vinalegir að bjóða sig framm og þeir fá allir 1000 þakkir fyrir það :-) Núna er allt á kafi í snjó hér og kaldara en í Síberíu, allavega finnst mér það þannig að maður bíður bara spenntur eftir vorinu, og sumrinu og litla/litlu.....

2003-01-29T21:42:00.000+01:00

Það verður heldur betur nóg að gera hjá okkur um helgina, því við erm að fara að flytja eftir langa bið í betra húsnæði. Annars erum við María að verða eins og Lamba Palli og Gunni Hvassi ekki til fara eða neitt því um líkt, heldur erum við á stöðugri ferð um bæinn að leyta eftir gardínum og fataskáp og ýmislegu öðru sem okkur kemur til með að vanta í nýju íbúðina.Svo þegar við erum búin í þessum göngutúrum okkar sem fara stundum upp í tvo þrjá tíma er María svo uppgefin að hún er hætt að sjá allmenilega, en ég botna bara ekkert í þessu og arka bara áfram... ég er líka einn í mínum heimi og er ekkert að fatta þetta það segir allavega María... Við erum búin að vera að reyna fylgjast með handboltanum með hjálp allra ljósvakamiðla sem vinir okkar og frændur Danir bjóða upp á, Danir eru svo slappir í þessu öllu að við endum alltaf hér úti í skóla á netinu og fylgjumst með á 1X2 sem er betra en gos!! En nú erum við að fara heim að horfa á Danmörk-Rúsland.Sæl að sinni....

2003-01-26T23:12:00.000+01:00

Halló allir....og takk fyrir öll skrifin í gestabókina:-) Í dag ætluðum við að kíkja í smá stund til Ingvars og Vigdísar, en það endaði með því að þau buðu okkur upp á sídeigiskaffi og stórglæsilegan kvöldmat sem var hreint út sagt frábær, takk fyrir okkur.
Svo fórum við aftur í gær í Ide møbler og skiluðum ljósinu sem við keyptum í fyrradag og keyptum skeink í bakaleiðinni í genbrug á 150 kall!!! Það var nefnilega útsala þar eins asnalega og það kann að hljóma, 50% af öllu...
Í gærkvöldi fórum við svo til GrindavíkurBadda í 30 ára afmæli og var það bara mjög fínt og fjölsótt: Annars byrjar fjörið á morgun hjá mér í skólanum þá förum við nefnilega að byrja á hinu alræmda AutoCad....með 900 bls kennslubók, spennandi þar sem hún er ekki til í bókasölunni þá þurfum við að gjöra svo vel og ljósrita hana og tekur það alveg góðan hálftíma og helling af ljósritunnarkortum, ég held að ég taki bara með mér útvarp og kaffibrúsann í þetta verkefni.....zzzzz góða nótt zzzz

2003-01-24T20:30:00.000+01:00

jibbíí...jibbíí...Við erum að fara að flytja...Fundum þessa fínu íbúð á besta stað... Við fáum íbúðina 1.feb og ætlum að reyna að flytja þá strax...Þetta er fínasta íbúð hér í hverfinu sem við búum í núna, en aðeins lengra útúr bænum eða svona 5 min, nýtt eldhús og bað,ekkert mjög stór,57 fm, en mjög góð fyrir okkur!!! Það er skemmtilegt frá því að segja að við fengum íbúðina að stórum hluta til vegna þess að við erum Íslendingar.Maðurinn sem á húsið er frá Bosníu og kynntist Íslendingum hér í sprogcenter(dönskuskóli) fyrir nokkrum árum og líkaði svo vel við þau að hann ákvað að velja okkur úr öllum hópnum sem vildi fá þessa íbúð!!!...gaman...gaman

2003-01-24T20:29:00.000+01:00

Í dag fórum við í Ide møbler í draumahugleiðingum...það er nú alltaf gaman, sérstaklega þegar maður er að fara að flytja, enduðum svo ferðina á því að fara á Mcdonalds...þetta er neflilega heljarins ferðalag fyrir svona fótgangandi fólk eins og okkur en við vorum svo heppin að hitta einn kunnigja okkar á makkanum sem keyrði okkur svo heim. En núna erum við að fara heim en aldrei að vita hvort við skellum okkur eitthvað út í kvöld...allavega enginn handbolti í dag og e-ð verðum við að gera í staðinn... bless í bili...

2003-01-21T21:53:00.000+01:00

Jæja í dag var ágætur dagur, svipaður hinum....en við unnum grænlendinga, ekki við öðru að búast af stákunum okkar (klisja). Á föstudaginn er ég að fara að skila fyrsta verkefninu í vetur en það er disp af húsi, þá setjum við allar útlitsteikningar og grunnplön á spjald og reynum að vera gáfuð fyrir framan kennarann og bekkinn á meðan við reynum að "selja" hugmyndina að húsinu, stuð og fjör það!!
Svo núna seinni partinn í dag kom gömul og góð lykt í heimsókn til okkar á Amaliegade, María tók sig nefnilega til og eldaði velling(grjónagraut) og lyktin af honum var svo góð að mér fannst ég vera kominn niður í eldhús hjá ömmu Lóu....Ekki slæmt að eiga svona myndarlega konu! Nú er ég að fara heim, María var nefnilega að poppa....

2003-01-21T21:32:00.000+01:00

Hvernig finnst ykkur svo breytingarnar???

2003-01-20T21:56:00.000+01:00

Við byrjuðum þennan ágæta dag með því að fara í sonofon og láta laga símana okkar!!!jibbí jibbí þannig að nú er hægt að hringja í okkur aftur og við getum hringt í ykkur aftur gaman gaman!!!Fínn dagur;rignig eins og fyrri daginn,haldið áfram að taka til á Amaliegade,farið að versla í matinn og komið heim með e-ð allt annað en mat og síðast en ekki síst stórsigur í handboltanum!!! Ég er samt svolítið leið yfir því að geta ekki séð leikina í sjónvarpinu en sem betur fer er hægt að fylgjast vel með á netinu;) Og vona ég að okkar menn standi sig...ég get allavega ekki ýmindað mér að grænlendingar séu góðir í handbolta en sjáum til á morgunn!!!(eða hvað... þeir eru kannski góðir í snjókasti... svo viti menn..aldrei að vita???)...En núna er Árni búinn að læra og við ætlum að fara að drífa okkur í háttinn...knús og kossar til allra á Íslandi...

2003-01-19T20:46:00.000+01:00

Þá er þessi ágæta helgi að líða undir lok. Við erum búin að vera að slappa mikið af eftir fyrstu skólavikuna. En á föstudaginn fórum við á baropnun hjá skólanum og var þar mikið stuð á fólki. En þar sem við erum alkunn reglufólk fórum við bara í búðina og versluðum okkur í matin og tókum spólu...
Á laugardaginn var vaknað við fyrsta hanagal sem við heyrðum, en það var rétt um hádegi (danskir hanar eru ekki morgunnhanar). Og var öll fjölskyldan drifin út í göngutúr sem stóð í 2 tíma og endaði með blöðrum á tánum og uppgefnum löppum!!! Restina af helgini erum við svo búin að vera að taka til og tjilla með popp og kók.... Bæ ðe vei, Til hamingju með afmælið Anna, og til hamingju með Önnu Haukur!!

2003-01-16T22:49:00.000+01:00

Halló allir!!!! Í dag erum við búin að vera að velta fyrir okkur hvað við eigum að gera í íbúðarmálunum og erum við að fara á morgun og sækja um hjá ungdomsboliger, sem eru íbúðir fyrir námsfólk eins og okkur.
Sennilega hef ég aldrei á minni æfi fengið jafn furðulegan kvöldmat og í kvöld, nóakonfekt, tómatsúpu og vínarbrauð....og hver ætli hafi séð um matin nú auðvita húsbóndinn! Ég mæli alveg með þessari máltíð fljótleg og góð, en mér varð svoldið illt í maganum eftir matin en það er bara af því að ég borða eins og skepna, það segir allavega María...
Gestabókin sívinsæla er alltaf á sama stað og það er möst að skrifa í hana því þið eruð svo skemtileg, svo viljum við líka vera í góðu sambandi við aðdáendur okkar sem fer fjölgandi dag frá degi. Svo má ekki gleyma litla snillingnum honum Kristni bróðir maríu en hann er líka með góðan blogger!! Jæja nú erum við öll að fara að sofa...Góða nótt...

2003-01-16T00:31:00.000+01:00

Við höfum verið ansi löt undanfarið á blogginu en reynum að bæta úr því...
Af okkur er allt gott að frétta...Þessa dagana erum við að líta eftir nýrri íbúð og gengur það alveg ágætlega fyrir utan hvað það er dýrt að leigja:(
Sérstaklega þegar við erum orðin aðeins kröfuharðari en áður og viljum enga lúsera íbúð...Íbúðirnar hér og húsin eru heldur ekki eins og á Íslandi,margar hverjar frekar "sjabbí"eða þá bara asnalegar,og við erum búin að átta okkur á hvað við erum alin upp í lúxusumhverfi á Íslandinu góða...En við vitum að á endanum finnum við góða íbúð...
...nú er orðið áliðið og við þurfum að koma okkur í háttinn...erum alveg að fá svefngalsa úr þreytu...góða nótt...

2003-01-13T21:01:00.000+01:00

jæja thetta verdur stutt núna, thví lyklabordid er á dønsku :(
ég kann ekki ad breyta thví,svo ég verd ad láta einhvern hjálpa mér med that...
...en ég ætladi bara ad láta ykkur vita ad vid værum komin á leidarenda og høfum that bara gott hérna í dk...
...hilsen Árni og María

2002-12-19T11:50:00.000+01:00

Hó hó hó!!!! Í gær náði ég þeim merka áfanga að verða 24 ára gamall!! Til hamingju ég!! Svo kláraði ég líka mína 1. önn í skólanum með glæsibrag eins og mér er einum lagið.Í tilefni dagsins fórum við út að borða í hádeginu á jensens bøfhus, sem er allveg snilldar góður staður og fengum við lax og naut. Svo röltum við um bæinn og sóttum lestarmiðana og versluðum risa skinku til að taka með heim. Svo um kvöldið kom Mark bekkjarbróðir minn til okkar og við fórum svo öll saman í heljarinnar próflokaparty hjá Casten Molbo. Í dag ætlum við bara að taka því rólega og pakka öllu niður sem við ætlum með heim. Svo á morgun leggjum við af stað með lestinni kl 12:00 og ætlum að koma við í Kaupmannahöfn og fara meðal annars í jólatívolíð og kannski á strikið, en hann Addi ætlar að vera okkur til halds og trausts í þessari ferð:) Eitt er þó víst að við leggjum af stað til Íslands kl 22:20!!! jjjjiiiiibbbbííííí Sjáumst á morgun eða hinn Á&M

2002-12-17T18:17:00.000+01:00

Í dag var rosa fallegt veður hér í Horsens sólin skein svo fallega...við höfum neflilega ekki séð sólina í langan tíma...og það varð til þess að við fórum í göngutúr í bæinn og líka til að afstressa Árna,hann er orðin pínu stressaður fyrir prófið sem hann fer í á morgunn... en það þýðir ekkert hann er svo duglegur...:) en við ætlum að kveðja í bili Árni þarf neflilega að fara í klippingu ... ok bæ
ps. gaman að sjá hvað margir hafa heimsótt okkur og skrifað í gestabókina..takk takk

2002-12-16T22:55:00.000+01:00

jæja ég held bara að okkur hafi tekist að setja inn gestabók á síðuna..jibbí..og hún er ekki uppá punt hún er til að skrifa í...:)

2002-12-16T22:52:00.000+01:00

Tíminn líður og við förum alveg að koma...sjáumst...

2002-12-12T23:27:00.000+01:00

þurfum bara að bíða í eina viku í viðbót...
Það fer líka að styttast í prófið hans Árna hann er svo heppinn að fá að taka prófið á afmælisdegi sínum...en honum gengur örugglega bara miklu betur fyrir vikið...
en þessa dagana erum við annars bara að bíða eftir því að stíga uppí flugvélina...gaman...gaman...
JÓLAKVEÐJA í bili á&m

2002-12-07T18:27:00.000+01:00

uummmm... hvað laugardagar eru alltaf skemmtilegir...:)
það er svo yndislegt að slappa af og hafa það gott...Enginn skóli og engin vinna...
Við gerðumst svo fræg í dag að fara á listasafnið hér í Horsens og urðum við bara mjög hrifin.Það var bæði mjög skemmtileg sýning á efri hæðinni og svo jólamarkaður niðri ásamt kaffihúsi sem við settumst niður og fengum okkur kaffi og kakó...Það er nefnilega alveg rosalega kalt í dag ...:( við munum ekki eftir öðrum eins kuldadegi) brrrrrrr... heyriði ég er með smá fréttir fyrir ykkur...haldiði ekki að Árni hafi bara vaskað upp í morgun og meira að segja var það ALLT leirtauið okkar...(höfum verið svolítið löt undanfarna daga) ...en ég er sko aldeilis stolt af honum, því í þetta skiptið bað ég hann ekki einu sinni um að gera það hann bara er svo duglegur...HÚSBÓNDI AF BESTU GERÐ!!!!!!... ég er sko heppin að eiga hann...
jæja hætt þessu bloggi í bili erum enn að bíða eftir að koma og sjá ykkur öll...aðeins 13 dagar jibbíí

2002-12-05T20:33:00.000+01:00

Þetta er nú búinn að ver meiri dagurinn!!! Sem sannur herramaður fylgdi ég Maríu í vinnuna í morgun, og þurfti ég því að vakna kl. 05:20....Svo fór ég í skólan þegar ég kom til baka og var að mæta á sama tíma og ræstingar fólkið (ég hef ekki mætt svona snemma síða að tímanum var breitt!!)
María var svo að vinna til kl 10:00 og leyst bara svona ljómandi vel á nýja starfið :) Svo þegar ég kom heim fórum við í bilka og gerðum enn eina tilraun til að kaupa jólagafir, ég veit ekki hvar þetta endar með jólagafirnar...Sennilega bara í kringlunni á þorláksmessu.......

2002-12-03T23:09:00.000+01:00

Við erum alveg að verða brjáluð:(
Við erum nefnilega að reyna að bæta síðuna okkar með gestabók og ýmsu öðru, en okkur gengur ekki beint mjög vel:(
Held við förum bara í fýlu í smá tíma og reynum seinna:(
En þangað til verða fréttirnar af okkur að nægja ykkur;) Það er svo sem ekki mikið af okkur að frétta, nema að ég (María)
hef fengið smá vinnu og fer að vinna á fimmtudag og föstudag og svo líka alla næstu viku... jibbííí... :)
Það er líka að fara að líða að prófi hjá Árna svo það er aðeins meira að gera hjá honum núna en hefur verið.
Svo hlökkum við alveg rosalega til að koma til ykkar allra um jólin ;) við erum farin að telja niður dagana það eru t.d 17 dagar í dag...jibbííí...;)
annars bara bless í bili....

2002-12-02T22:17:00.000+01:00

Jæja við höfum ekki verið dugleg að skrifa inn en reynum að bæta úr því:)
Á föstudaginn fórum við til Aarhus í jólaleiðangur.Við lentum sko heldur betur í jólastemningu þar:)
Það var jólaskemmtun í bænum,það var t.d. jólaskrúðganga niður göngugötuna,jólalög alls staðar og jólasveinar og ekki nóg með allar
uppákomurnar að þá var opið í öllum verslunum til kl 24:) Við skemmtum okkur konunglega en keyptum náttúrulega engar jólagjafir:(
Við komum heim gengin upp að hnjám með harðsperrur og allt,vorum svo þreytt að við ákváðum að eiga rólega helgi,en allt kom fyrir ekki...
við bara kunnum ekki að slappa af...
Á laugardaginn fórum við í aðra eins gönguferð enduðum svo daginn á Corfitz (sem er eina kaffihúsið í horsens)
fórum svo heim og fengum gesti og opnuðum rauðvínsflösku og höfðum það notalegt:)
Í gær urðum við náttúrulega að kíkja í bæinn því jólabærinn opnaði og þar var mikil og skemmtileg jólastemmning:)
Áttum svo huggulegt kvöld heima og skrifuðum á jólakort:)
nóg í bili...fleiri fréttir fljótt:)

2002-11-28T19:51:00.000+01:00

Þetta hélt ég að ég myndi aldrei gera!!! Byrjaður að blogga!!!!
En ég hef nú ástæðu til þess... Við María búum nefnilega í DK, landi Lego og Gajol...